Jump to content
Search In
  • خيارات أكثر ..
البحث عن النتائج التي ..
البحث في ..

VoLcAnO

الأعضاء
  • عدد المساهمات

    26
  • إنضم لنا منذ

  • آخر تواجد

مستوي التقييم

177 Excellent

عن VoLcAnO

  • المستوي
    Active Member
  1. ان شاء الله فئه كبيره من الشباب النقي ولكنه مشوش لعدم وضوح الصوره بشكل كامل امام اعينه سيتم احتوائهم وان شاء الله اجلا ام عاجلا سينير الله تعالي قلوبهم برؤيه الحق اما المغيبين او الممولين او التافهين فلا امل فيهم الا اذا اراد الله لهم التغيير وأسال الله تعالي لهم الهدايه الفرق بين السعر و القيمه كانت من اهم قيم المجتمع اللى كان التركيز عليها لضرب اركان المجتمع و اهم المداخل لتمكين مجموعه من الافاقين و النصابين و المرضي النفسيين عبيد الاضواء ليزيحوا الطبقه المثقفه الوطنيه و يحلوا محلها ليكونوا نخبة مزيفه تقود المجتمع الى الضياع فرق كبير بين شاب مثقف ناجح في شغله و كل اللى بيعمله انه بينظر و يشاور بصباعه و يقول إخيييه و بين عامل و صانع و زارع بينزل من الفجر و بيشتغل و يبني بلده و بيحاول يغير من مجتمعه الى الافضل بغض النظر عن ما يواجهه من مشاكل و ده نفس الفرق بين السعر و القيمه فرق كبير بين شاب عايش في مجتمعه بيصرخ و يعاني من مشاكل بلده و بينظر عليها و هو قاعد على القهوه يفتي و بين شاب اجنبي نزل على نفس البلد و نفس الظروف و هو معدم لكن مقعدش على القهوه اشتغل في نفس الظروف و نجح و اصبح صاحب عمل و مسكن و ظروف معيشيه جيده لانه قرر انه يعمل لنفسه قيمه و ينجح حتي و ان اشتغل في غير تخصصه عن السوريين اتحدث فرق كبير من اللى بيربي اطفاله على كره الوطن و رموزها و علمها و جيشها و هو بيقنعهم انه عشان تحب بلدك لازم تشتمها عشان تهدها و بين اللى بيربي اطفاله على حب الوطن و مؤسساتها حتي و ان اختلف مع نظامها عشان ينشىء جيل نافع لبده و وطنه في المستقبل فرق كبيييير بين شاب هايف كل نجاحه في الحياه انه يسخًر كل امكانياته في عمل كوميكس على بلده و جيشه و يضيع بقيت وقته في شتيمة بلده على النت و بين شباب تاني معندوش وقت للهيافه و بيشتغل و بيواصل الليل مع النهارد بطول مصر و عرضها في بناء مشاريع حتخدمه و تخدم اطفاله او بحراسة حدودها فرق كبيييييير جدا بين سعر كيلو الطماطم و قيمة تمثال رمسيس الثاني و للاسف ما اكثر الطماطم على سطح نخبة المجتمع المصري والي الله المشتكي تحياتي لك اخي
  2. @أبو عصام @ashraf mutwakel لكم مني جزيل الشكر وخالص تحياتي لكما اضافه بسيطه بخصوص مصر ومجالها الحيوي للامن القومي موقع ومكانة الدولة المصرية وما يمر بالمنطقة من احداث .. بــ يجبر مصر إنها تكون دايما فى بؤرة الأحداث .. واللى ما ينفعش ابدا الفصل بينها وبين بعضها .. لأننا بنتكلم عن المجال الحيوى للدولة المصرية .. والإمتداد الإستراتيجى للأمن القومى المصرى ... وطبعا المجال الحيوى للأمن القومى المصرى بيمتد من الخليج العربى واقصى حدود العراق شرقاً ، حتى مضيق جبل طارق وساحل المحيط الأطلسى لدول الشمال الإفريقى غرباً ... ومن الحدود الشمالية السورية وسواحل اوروبا الجنوبية شمالا .. حتى اعماق هضبة البحيرات وبحيرة فيكتوريا ومضيق باب المندب وبحر العرب جنوباً .... ناهينا طبعا عن الإمتداد الحدودى للدولة المصرية واللى بيشمل كامل القارة الأفريقية . شوف بقى المساحة دى كلها قد إييه .. وبالتالى تقدر تقدّر مسئولية القيادة السياسية فى الحفاظ على الدولة المصرية من أطراف خطوط محيط الأمن الحيوى المصرى ممكن تبقى عاملة إزاى .. وبالذات فى منطقة اصبحت مشتعلة بالأحداث .. ومطمع لقوى خارجية كثيرة بتحاول تمتلك ثروات المنطقة دى .. ومصالحها بــ تتعارض تماماً مع تمددك خارج حدودك سياسياً وإستراتيجياً وإقتصادياً .. وبــ تتعارض مع بقائك وإستقرارك وإستمرارك كقوة حامية لمحيط الأمن الحيوى الخاص بيك ... وعلشان كدة كان لازم البلد دى تتهد .. بالذوق بالعافية تتهد .. أو على الأقل يتم تطويعها سياسياً .. وتخريبها داخليا ولكن يمكرون ويمكر الله والله خير الماكرين صدق الله العظيم الله المستعان
  3. @El Amprator Ramy متشكر جدا والله استاذ رامي علي الكلام اللي حضرتك قولته في حقي واتمني ان استحق ولو 1% منه اما انا لا اعتبر نفسي اضافه للمنتدي بل علي العكس تماما المنتدي هو ما اضاف لي الكثير مما كنت اجهله وتحديدا علي المستوي العسكري وان شاء الله ربنا يقدرني واقدر اقدم شئ بسيط للمنتدي واعضائه الكرام اما بخصوص ان حضرتك عايز تنقل الموضوع اتفضل طبعا ومن غير استأذان وحتي بدون ذكر اسمي فأنا لا ابحث عن اي شئ سوا محاوله بسيطه مني لتوضيح بعض الاشياء التي من الممكن ان تكون موضع شك او حيره بالنسبه لناس كتير لعل وعسي يهدي الله بعض الناس الذين الي الان لايزال بعضهم ضد البلد للاسف الشديد ويصدقون الافكار المسمومه من الالات الاعلاميه القذره المموله التي لا تهدف لشئ سوي الانقضاض علي مقدرات دولنا وخيراتها وخراب وهدم الجنس العربي بالكامل وان يكونو كارهين لبلدهم ولمحيطهم العربي ولك مني كل التحيه والتقدير استاذ رامي
  4. @مطلع الشمس سلمت اخي الحبيب وسلم الله بلدي وبلاد العرب اجمعين
  5. @العقرب الأسود شكرا لك اخي الحبيب وشرف لي ان تقوم بمتابعه ما كتبت بل والرد ايضا علي ما يكتب من اخوتنا الكرام
  6. بسم الله الرحمن الرحيم اخوتي الاحباء هذا الموضوع اخذ مني تقريبا ما يقرب من اسبوع كامل اتمني من الله ان اكون قد وفقت في ترتيب الافكار الي ان انتهيت منه بحمد الله وهو متعلق بلنبان تحديدا ولكن بنظره شامله لما يحدث في المنطقه بشكل كامل ( البدايه ) ما تواجهه منطقتنا كلها من من حرب عالمية الهدف منها تدمير دول المنطقة ، و محو هويتها ، و القضاء على شعوبها تمهيداً لتقسيمها ، و الاستيلاء على ثرواتها ، ثم نقل الصراع الى الشرق الاقصي لاعادة انتاج عجلة التدمير هناك على أراضي هذه الدول. الحرب دي بــ تعتمد على تهيئة مجتمعات الدول المستهدفه بزرع نخبة مصطنعه من الافاقين و الحثالة و النصابين و المرضي النفسيين يديرهم مجموعة من العملاء الممولين ليحضروا المجتمع لتفكيك نفسه بنفس ذات نفسه من الداخل جر دول الدول المستهدفه الى تسريع ريتم المواجهه …. و الوقوع في الفخ المنصوب لهم بعنايه للمواجهة العنيفة باستخدام القوة المسلحة و هو اسلوب الكاوبوي الفوضوي ((الفوضي الخلاقه)) ، اللى بــ يجيدوا التعامل و التحرك بيه للاجهاز على الانظمة و الدول . فجميع الدول التي تم هدمها وقعت في هذا الفخ … مثل سوريا و ليبيا و العراق و اليمن …. لكن لان الدولة المصرية دوله قديمة و عريقة و تمتلك الخبرات التاريخية المتراكمة للحفاظ للمرة الألف على نفسها و على المنطقة باكملها …. فــ تنبهت الى هذا المخطط مبكراً و استعدت جيداً … و برعت و علمت العالم كله علم و اسلوب جديد في مواجهة حروب الجيل الرابع و الخامس و هو علم ” الصبر الاستراتيجي” هذه بفضل الله الدوله العميقه التي كان يسخر منها الجاسوس مرسي وجماعته الضاله وهذه مقدمه لما هو ات ( الموضوع بالكامل يتلخص في الاتي من وجهه نظري المتواضعه ) ناس كتييييير بتسأل ما يحدث في لبنان وسط كم هاااائل من الشائعات و التخويف و الترهيب بنشوب حرب تطال المنطقه كلها …. فأنا حتكلم في نقاط محدده .. هستعمل فيها العقل و المنطق في تفكيك الصورة المشوشة اللى بــ يُراد زرعها في عقول الناس …. ثم اعاده تركيبها مره اخرى …. فــ هات كوباية الشاي واستحملو معايا بالله عليكم …. و اعذروني لو طولت علي حضراتكم أولا لازم حضرتك قبل ما تحكم علي شىء بإنفعال و تكون متأثر بجموعه من الاخبار و الشائعات الموجهة المغلوطة …. لازم تحط مجموعة من المحددات و الثوابت الرئيسيه عشان ماتتوهش … و عقلك يشت …. فــ تحكم غلط … و بالتالي تتصرف غلط …. لان حضرتك المقصود و المستهدف من الحرب النفسية دي … و بداية نصر مصر أو هزيمتها … هو مدي وعيك و ايمانك بقضية وطنك .. يعنى الموضوع بيبتدى عندك وينتهى عندك برضوا. ! 1- مصر دولة شريفه … لا عمرها تآمرت على أحد و لا عمرها طمعت في غيرها 2- المجال الحيوي للامن القومي المصري اللى بيأثر على حضرتك و على بيتك و اولادك بشكل مباشر يمتد من الخليج العربي الى جبل طارق و من جنوب اوروبا الى وسط افريقيا … فأي حدث في هذه المنطقه … له تأثيره الايجابي او السلبي على بيتك و اولادك مباشرة 3- مصر دولة قديمه و عريقه و تقيله … و هي تقود المنطقه بالكامل سياسيا لبر الامان . 4- لما العدو الفارسي و العثماني يقول ان مصر هي الجائزه الكبري …. و لما الدول العربيه جميعا و خاصة دول الخليج تقول ان مصر هي درع المنطقه و حاميها و هي عمود الخيمه … و لما مصر تقول ان أمن الخليج العربي هو خط احمر بالنسبة للامن القومي المصري … ده مش كلام مجاملات او فض مجالس …….. دي استراتيجيه ثابته … لان انهيار مصر معناها انهيار دول الخليج كاااااملةً .. ومعاها سيتم إلتهام باقي الدول العربية .. و ستكون تبعاته و تأثيره ليس على المنطقه فحسب و لكن على العالم اجمع … و إذا إنهارت دول الخليج و هي خط الدفاع الاول ضد العدو الفارسي … ستكون مصر في وضع استراتيجي من أخطر ما يمكن. 5- قضي الامر …. مصر أخذت القرار و تقود المنطقة لتحقيقه .. و هو القضاء و تنظيف المنطقه مما زرعه اهل الشر بقيادة انجلترا على مدي عشرات السنين لاستهداف المنطقة و تدميرها… مافيش جماعات دينية داخل مجتماعتنا تاني مافيش اخوان و تيارات ريديكاليه تاني مافيش جماعات يساريه تدين للغرب بالولاء تاني مافيش ميليشيات مسلحه طائفيه تدين للفرس تاني 6- مصر تعمل على اطفاء الحرائق في المنطقه و تهدئة اسلوب الكاوبوى الفوضوي في كل المناطق المحيطة … و جرهم الى الاسلوب الشرقي الهادىء … أخد الحق صنعه. 7- الاخوان هم نظام ملالي ايران ، هم الحوثي ، هم القاعده ، هم داعش ، هم بوكو حرام … و افتح القوس و زود كل اسماء الكلاب السعرانه اللى بــ تنهش في جسد و عرض المنطقه … اللى أنشأهم خواجه انجليزي واحد … و اللى بيسلحهم واحد و اللى بيديرهم و يدربهم و يقولهم يعملوا ايه و ميعملوش ايه هو نفس ذات نفس الخواجه … فــ موضوع سنه و شيعه و سلفيين ده بقي فيلم هندي هابط …. ممكن يبان على مستوى القطيع اللى على الارض المضحوك عليه انهم مختلفين … لكن على مستوى القمه الامر مختلف تماما لانهم حبايب و اخوات و زي السمن على العسل …. و فضيحة ايران جيت اكبر شاهد على كده … لما اسرائيل و امريكا كانوا شوية و هــ يعلنوا الحرب على ايران و في الاخر اكتشفنا اسلحه اسرائيليه امريكيه تنقلها امريكا الى ايران … او مثلا داعش اللى هي سنيه و الرافد الاساسي لكلابها السعرانه هم الاخوان و السلفيين السنه … بتخش المناطق و بعد تنفيذ حملات التطهير العرقي … تقوم تسيبها للقوى المحسوبه على ايران !!! 8- احنا مش ضد الشيعه … و لا حضرتك مطالب انك تكرههم … و لكن احنا ضد استخدام الدين في السياسه …. فاحنا ضد ايران و الاخوان و كل الميليشيات المسلحة ذات الصبغة الدينية 9- دائما و ابدا يجب النظر للامور بعيون مصرية وطنية و ليس بعيون من يحاولون فرض نفسهم عليك … ابحث عن مصلحتك اولا … و اللى هي دايما بتكون مصلحة دولة المنطقه جميعا النقاط التسعه دول لو اقتنعت بيهم و اخدتهم في حساباتك … هــ ترتاح و تستريح ….. نيجي بقي للموضوع اللبناني … ايه اللى حصل … و ايه دعوات الحرب و طبولها اللى بتستميت جهات و دول و اعلام انوا يسمعهالك بالعافيه … … شوف يا سيدي … عشان تعرف ايه اللى حصل … ماينفعش تبص علي لبنان خارج سياق المنطقه و ما يحدث فيها … يعني ايه الكلام ده …. يعني لازم تربط مجموع الاحداث كلها مع بعض … فــ مثلا خلينا نبص على آخر كام شهر بس :- ثلاثي الشر ( قطر-تركيا-ايران) برعاية انجليزية امريكية … زرع في ليبيا 1500 ميليشيا مسلحه تهدد مصر بطول 1200 كيلو متر …. مصر لم تنزلق عسكريا هناك … انشأت و دعمت جيش وطني ليبي مدعوم ببرلمان وطني تم إنشاؤه …. و بــ تقفّل عليهم تشاد من الجنوب … و بــ تقوم بتفكيك الجماعات المسلحه على الارض بهدوء شديد .. و يوم بعد يوم بيتم تمكين الجيش الوطني الليبي من اراضي دولته جزء جزء …. نار ولعت في الغرب و مصر بتطفيها و متسألش عن التفاصيل. اسرائيل لم تخرج من حدود مصر الشرقيه الا بعد زرع ميليشيا اخوانيه مسلحه في قطاع غزه لاشعال الاوضاع على حدود مصر الشرقيه و داخل سيناء…. مصر ترد بعمل المصالحه الفلسطينيه بعد خنق قطر و محاصره ايران دوليا و تحجيم تركيا اللى لو تلاحظوا بقالها فاتره لا حس و لا خبر بعدها بكام يوم تقوم اسرائيل تعلن عن دخول مسؤول كبير قطرى قطاع غزه عن طريق معبر اسرائيلي بمبلغ 20 مليون دولالا … و انباء عن زياره وفد من حماس الى طهران في نفس الوقت اللى بتتم محاولة اغتيال مسؤول الامن الفلسطيني في قطاع غزه بعربة مفخخه … و تنتشر الاخبار ان حماس نفضت اديها من اتفاق المصالحه … فــ تحصل حاجة محدش عارفها …. و الامور ترجع كما كنت … و يتم تسليم المعابر و المضي قدما في اتفاق المصالحه … نار ولعت في الشرق و مصر بتطفيها و متسألش عن التفاصيل. من اكتر من سنة تطلع اخبار ان قوافل المساعدات الوحيده اللى ارتضت الجماعات المسلحه انها تعبر للمدنيين في المدن المحاصره في سوريا عي القوافل المصريه …. و من كام اسبوع … تلاقي خبر صغير ان سوريا و كل الكلاب السعرانه اللى على الارض ارتضت بوساطة مصر في اتفاق وقف اطلاق النار … و الكل يرتضي بدور وساطة مصر على الاراضي السوريه …. نار ولعت في الشمال و مصر بــ تطفيها و ماتسألش عن التفاصيل. قطر تعربد في المنطقه بكل اريحيه …. قوم بعد كلمة مصر الحاسمة و الواضحه في قمة الرياض الاسلاميه الامريكيه ضد الارهاب …. تقوم دول الخليج بمقاطعة قطر و وضعها في حجمها سياسيا …. نار ولعت في الشرق و مصر بــ تطفيها و ماتسألش عن التفاصيل. مصر تعلن عن استراتيجية التنمية 2030 … فبعدها باقل من شهر تعلن المملكه السعوديه عن استراتيجية التنمية السعودية 2030 و يتم الاعلان عن مشاريع تنموية مشتركة اقتصادياً و جغرافياً و سياسياً …. ثم تقوم المملكه بحملة تغير مجتمعيه غير مسبوقه لها اهداف معلنه و هي تهيئة المملكه للتنميه الاقتصاديه …. و لها اهدف غير معلنه و هي التخلص من حمل الجماعات الدينيه المتطرفه اللى اتزرعت في المنطقه … سواء على مستوى شيوخ الفتنه … او تابعيهم اللى على الارض … او ضرب منظومتهم الاقتصاديه اللى كانت لها يد كبرى في الصرف او الدعم لهذه الجماعات …. فمثلا … محدش ينكر ان كل الصف الاول من شيوخ الاخوان و السلفيين اللى بيقودوا الجماعات المسلحه على الارض دلوقتي … تم تقديمهم الى المجتمع العربي عن طريق قناة اقرأ في ال ART زمان … و غيرها كتير من شبكات المصالح و الاموال اللى كانت العمود الفقرى لكل الجماعات المسلحه و الجماعات السياسيه اللى كانت بتخدم عليها …. نار ولعت في الشرق و المدرسة المصرية و القرار العربي الموحد بيطفيها و ماتسألش عن التفاصيل. ايران تتمدد بكل حريه في العراق …. و العدو العثماني يدخل شمال العراق عسكريا لدعم التركمان عسكريا و يقوم الاكراد باستفتاء الانفصال ….. يحصل حاجات على الارض …. تلاقي تركيا سكتت … و نتائج الاستفتاء اتحطت في الدرج … و تصريحات و تحركات ايجابية من العراق تجاه مصر و السعوديه …. نار ولعت في الشمال الشرقي و بتطفي و ماتسألش عن التفاصيل. اطلاق صاروخ باليستي تجاه الرياض بعدها يتم الاعلان عن وجود جماعات ستقوم بتلغيم باب المندب و استهداف حركة التجارة العالمية المارة هناك …. فــ تحصل حاجه … يقوم الكلام ده يختفي …. …. نار ولعت في الجنوب و التحالف العربي بــ يطفيها و ماتسألش عن التفاصيل. نيجي بقي الى لبنان …. فــ لبنان دولة فريدة من نوعها في تركيبتها السكانية و السياسية …. فهي تتكون من مجموعه من الطاوئف المختلفه…. و بإختصار شديد و بعد سنوات طويله من الحروب الاهليه اللى كانت كل طائفه فيها تستقوي بقوى خارجيه …. سواء فرنسيه او امريكيه او فلسطينيه او ايرانيه او عربيه او اسرائيليه ….. و للاسف و على مدار سنوات طويله … اسقطت هذه الطوائف بلدها بأيديها في معادلات اقليمية … و اصبح القرار اللبناني يجب ان يتوائم مع مصالح كل الدول و الكيانات الاقليميه اللى هي اصلا متصارعه مع بعض … و كانت الحرب البنانيه هي اول الحروب بالوكالة في التاريخ …. و كان كل زعيم طائقه منهم بيستقوى بطائفته عسكريا …. فتقوم المجزره ردا على تصريح من زعيم اخر … و من الاخر كده و بالبلدي و باختصار شديد …. اللبنانيين ورموا بعد سنين طويله من الحرب الاهليه …. و بعد انتهاء الحرب …. و بالرغم من ان كل طائفه معاها سلاحها اللى هو اقوى من سلاح الجيش الوطني ذات نفسه … الا ان الشعب بذات نفسه بكل طوائفه يقولك … و الله لو الزعماء دول اكلوا بعض … مش حنحارب … يدبروا حالهم مع نفسهم … احنا مش حنحارب الا لو التانيين هم اللى بدأوا . الحرب الاهليه دي انتهت باتفاق الطائف اللى حضر فيه و أقره 62 نائب لبناني من اصل 73 نائب … اتفق فيه كل الطوائف اللبنانيه على كل شىء … و كان من اهم بنوده … تفكيك سلاح الميليشيات المسلحه لكل الطوائف بدون استثناء … و تكوين جيش وطني لبناني … و اتفقوا على المحاصصة السياسية بين كل الطوائف …. و ان كل طائفة تاخد حته من الحكم … فــ تلاقي هناك 3 مناصب دولة الرئيس ( دولة رئيس الجمهورية و دولة رئيس الوزراء و دولة رئيس البرلمان ) لان اكبر 3 طوائف لازم تاخد منصب من دول. المهم الاتفاق تم … و البند الوحيد اللى لم ينفذ حتي الان هو نزع سلاح الطائفه الشيعيه اللى بدأت بحركة أمل في الجنوب و انتهت بحزب الله اللبناني و اللى ولاؤه التام لايران و ليس للبنان. … و كالعاده … و كي يتم شرعنة وجود الابن الغير شرعي في لبنان لمن زرع الدوله الاسرائيليه في المنطقه .. و زي ما حصل مع النظام الايراني بصبغ بطوله وهميه له بمعاداته لامريكا و اسرائيل … و بنفس المدرسه اللى استخدمتها اسرائيل في غزه عندما لم تنسحب من غزه الا بعد تثبيت اقدام حماس فيها … انسحبت اسرائيل من جنوب لبنان فجأه بعد زرع حزب الله هناك .. و عشان ماطولش عليكم …. و بعد ما العالم كان مشغول باللى بيحصل في سوريا و ليبيا و العراق و مصر …. قامت مصر بحركه استباقيه غير متوقعه العام الماضي …. و بعد ما كان بيتم تحضير الموقف في لبنان الى الانفجار لان كان لازم تقوم حرب في لبنان و دي حتكون اصعب حرب في المنطقه لان الشعب هناك متقسم جاهز … الناس صحت الصبح لقت القوي اللبنانيه اتفقت على اختيار رئيس و رئيس وزراء ….. لكن بعد فشل المشروع في مصر و بداية فشله في ليبيا و سوريا و العراق … كان لازم تفجير الوضع مره اخرى …. طب ليه و ازاي ؟؟ ايران فقدت ارض كتيييير جدا في الثلاث سنوات الاخيره … فالاخوان و الجماعات الدينيه اللى كانت ظهير ليهم في مصر و دول الخليج بيتم اكلهم دلوقتي و تنضيف المنطقه منهم …. و بالتالي شرعية وجودهم و تدخلهم الديني اصبحت على المحك …. و كذلك مستقبلهم في العراق بعكس ما يظهر بدأ يصيبه الضعف و الشك … و سوريا بتخلص دلوقتي … و فيه جهود جباااااره بتعملها مصر لانهاء الوضع السوري بما يكفل وحدة الدولة السورية و بما يتوائم مع مصلحة الامن القومي العربي ككل …. و لو كل ده تم … هــ يصبح موطىء قدمهم في جنوب لبنان على المحك … برغم القوه العسكريه التي يمتلكونها … لانها مش حتكون فاضيه ليهم لما الوضع كله يخلص في الاراضي العربيه و يتجه العرب لمحاصرة ايران بذات نفسها و خنقها سياسيا و اقتصاديه …. فكان لازم يتم اشعال الموقف من جديد لاضفاء شرعيه جديده على الابن الغير شرعي في جنوب لبنان … طب المره دي يحارب مين !!!! … طب اخونا افرايم سولومون قاعد يشرب سجاره و بيتفرج و مش هــ يخش حرب دلوقتي …. و مصر مش بــ تتجر في حروب … و السعوديه و الخليج ماشيين على نفس خط مصر .. و مفيش بينهم و بين لبنان اصلا حدود بريه …. و الداخل اللبناني مش هــ يقوم يحارب بعضه تاني بغض النظر على المحاولات المضيه اللى اتعملت عشان الكل يقوم ياكل في بعضه … يبقي لازم حدث كبير يحصل …. زي مثلا اغتيال زعيم السنه هناك سعد الحريري … و تولع الدنيا … و ده يكون سبب ان حزب الله يثبت اقدامه من جديد على الارض … و ممكن يكبر دماغه و يعمل نفس اللى عملته حماس فى غزه لما انفصلت بغزه عن فلسطين … و حلني بقي اما يلاقي السنه زعيم جديد و يتوافقوا عليه … يكون سبق السيف العزل السيناريو ده كان الاقرب للحدوث … و اللى يأكده … انك كنت بــ تلاقي كل السياسيين و الميديا و الاعلاميين و الصفحات الاخباريه المشبوهه اللى كانت بتخدم على مشروع الاخوان او مشروع التقسيم …. شغاله الله ينور الفتره اللى فاتت و بتقولك … خلاص الحرب حتقوم … طبول الحرب …. طب حرب بين مين و مين … مايقولّكش حاجه … لكن المهم … او يارب … او ياريت الحرب تقوم بقي. اللى عمله سعد الحريري و انتقاله فجأه مع كل اسرته الى السعوديه كان ضربة معلم بالمعني الحرفي للكلمه وتحايتنا الخالصه لمحسن بيه العبقري … اجهضت ما كان يتم الترتيب له …. لفتح جبهه اخرى في الصراع العربي مع اهل الشر … و كان هــ يعطي قبلة الحياه مره اخرى لحزب الله اللى هو الان سياسيا في اضعف حالاته … معاه سلاح ايوَة … قوي على الارض ايوَة … لكن قوته قوة العاجز … او المشلول عن الحركه …. لانه سلاح مايقدرش يستخدمه و بالذات في هذا الوقت … لان لو استخدمه دلوقتى ، هــ يكون بيضرب ايران في مقتل و هــ يزيد الضغط فهمي نظمى رسمي عليها … و هــ تواجه تكتل دولي عربي بشكل مرعب في الوقت الحالي. و اللى يأكد الكلام ده انك كنت تلاقي ان المحسوبين على التيار الشيعي و الاخواني في المنطقه هم اللى كانوا بيحاولوا بتركيز رهييب انهم يقنعوك ان سعد الحريري محتجز في السعوديه و مقبوض عليه … و انهم يا عيني زعلانين عليه و عايزينه يرجع … شوف ازاااااي …. !!! و لما تيجي تمسك الاخبار … اللى ماعرفش ازاي ناس كانت بتنشر و تاكد ان مصر هــ تتجر لحرب في الداخل اللبناني …. مع انها لا دخلت ليبيا اللى على حدودها و لا غزه … تلاقي تصريح واضح من القيادة السياسية في مصر يضع ايران و حزب الله في خانة اليك بمنتهي الذكاء وبعقليه رجل مخابرات من الطراز الرفيع جدا جدا جدا … مصرضد اي عمل عسكرى في المنطقة حتي و ان كان ضد حزب الله او يران لكن امن الخليج خط احمر …. يقوم تاني يوم يطلع تصريح من الامارات انها تدعم التوجه المصري بعدها تصريح من وزير خارجية السعوديه يقول ان موقف السعوديه و مصر متطابق … و بعدها بيومين … يطلع سعد الحريري بنفس ذات نفسه و على الهواء مباشرة يقولك انا راجع لبنان و انا هربت من الاغتيال و استقالتي مشروطه. الخلاصه … اللعب دلوقتي على تقيل و بيتم بتنسيق مصري خليجي بتناغم تاااااام بمنتهي الحرفيه … و المواجهه كادت ان تصبح مباشره … و لكن بالقوانين و المعاد و المكان اللى تحدده الدول العربيه بقيادة مصر …. و ياريت نسيبكم من نغمة الحرب و الطبول و الدفوف و الكلام الفاضي ده …. احنا مش هــ نقوم بحرب و لن نكون البادئين لها و لن ننجر لها … و لكن اذا قدر لنا …. فسيكون بالشروط و المكان و الزمان الملائم لمصر و الخليج و بالشكل الذي يضمن انتصارنا. سؤال بس على السريع …. انهي دول في العالم يستحمل اقتصادها نشوب حرب في المنطقه تؤثر على سعر البترول و الطاقه و حركة التجاره العالميه !!!!!؟؟؟؟ … أومّال هي حرب بالوكالة ليه و مش حرب مباشرة ….. واخيرا اخوتي الاحباء كل ما ذكرته هي من وجهه نظري المتواضعه لما يدور من حولنا وقد اصيب وقد اخطئ
  7. متقلقش اخي الحبيب اميتو الباطل بالسكوت عنه لا تلقي لها بالا مجرد هراء لا قيمه له
  8. @Elshazly متشكر جدا لحضرتك الحقيقه انا والله اللي استفدت كتير جدا من حضراتكم لاني كنت جاهل عسكريا بصراحه برغم عشقي للجيش وكل ما يتعلق به وان شاء الله ربنا يقدرني واقدر اضيف ولو القليل لمنتدانا الحبيب الغني بأعضائه الكرام
  9. @Elshazly والله اخي الحبيب انا لا اثق فيما يسمي بالسوشيال ميديا عموما لذلك انا في قمه السعاده اني لاقيت منتدي محترم في ناس افاضل زي حضراتكم وسواء ما قلته انا او ما قلته انت فالاثنان احقر من بعض وربي يسلمنا من كل شر ويحفظ بلدنا
  10. اكيد احد اللجان الاكترونيه التابعه للحقيره قطر واكيد حضرتك عارف ان قطر كانت بتصورلك عمليات كتيره ضدك اون اير او الحقيره الاخري تركيا بعد اللي بتعمله فيها واخرهم القبض علي شبكه تجسس تابعه ليهم وفضحهم امام العالم حسبي الله ونعم الوكيل في كل ظالم
  11. @مطلع الشمس ياريت حضرتك تجيبلي النص اللي كاتباه لاني مش عندي اكونت علي الفيس للاسف
  12. سوف اقوم بالتعليق علي موضوع لبنان ان شاء الله لانه معقد غايه التعقيد ولازم يتم النظر له بنظره شموليه لانه مينفعش نبص علي لبنان وما يحدث فيها الان خارج سياق المنطقه بالكامل وما يحدث فيها
×