Jump to content
Search In
  • خيارات أكثر ..
البحث عن النتائج التي ..
البحث في ..

Red Rocket

الأعضاء
  • عدد المساهمات

    157
  • إنضم لنا منذ

  • آخر تواجد

  • مرات الفوز

    5

كافة مساهمات Red Rocket

  1. السلام عليكم اخوتى ، اعتقد ان الطائرة AW-149 مناسبة جدااااا للمهام التى ستقوم بها ( البحث والانقاذ ) ، لو اخذنا في الاعتبار القيمة مقابل السعر فالطائرة جيدة جدااااا ، فمازلنا نحتاج لطائرات مكافحة غواصات ، وطائرات حرب الكترونية واستطلاع ، فبالتالي لو افترضنا ان من سيقوم بمهام مكافحة الغواصات والدعم الارضي مثلا ka-52 كاتران او NH-90 ، ومن سيقوم بمهام الاستطلاع والحرب الالكترونية ka-31 , فبالتالي سيكون هناك تكاملية في المهام و بدون مصاريف مبالغ فيها ، فحاملتى الميسترال مازالا يحتاجا للكثير حتي يصبحا كما نأمل إن شاء الله.
  2. أولا: ده مش استنتاج ده سؤال ومحاولة استقراء للوضع خصوصا مع تعنت امريكا معانا اللي موجود من زمان لكن زاد كمان في وجود ترامب وعلشان توقيت الخبر كمان اللي مظهرش غير بعد تهديد وبجاحة امريكا في موضوع السوخوى . ثانيا: المنتدى اتعمل للنقاش فلو الخبر مفروض لما ينزل الاعضاء يصفقوا وبس يبقي مفيش داعي لوجودنا كاعضاء ولا للنقاش وبالنسبة لجملتك دى ( والله مش عارف بتوصلوا للإستنتاجات دي إزاي الصراحة ) فياريت حضرتك تتعامل مع الاعضاء ند لند لانك عضو في المنتدى كذلك احنا فبلاش طريقة التعالي غير المبرر ده لانى لو بسأل قائد القوات الجوية نفسه مش هيرد بطريقتك دى!!!!! . ثالثا: لو حضرتك قرأت الرد الاول والثانى بتوعي كويس تعرف انى حريص علي ان امريكا ماتلاعبناش كل شوية في صفقات السلاح مش اكتر لان ده حصل فعلا في موضوع السكالب وبيحاولو يضغطوا دلوقتى في موضوع السوخوى ٣٥ ودى حقائق مش كلام من عندى ، كمان انا مجبتش من قريب او بعيد سيرة ان صواريخ السكالب تحل محل طائرات السوخوى خاااااالص، انا بتكلم هنا علي مساومة بتحاول تعملها امريكا علشان تحاول تقلل من قدراتك لان لو منعوا فعلا الجزء اللي بيصنعوه في السكالب يبقي مفيش صواريخ حاليا لحد ما فرنسا تصنع الجزء ده او نشوف بديل وفي الحالتين ده بيقلل من قدرات الرافال ولو بشكل جزئي لان السكالب من اهم أسلحتها وهيضيفلنا قدرات هجومية غير مسبوقة.
  3. ياتري موافقة امريكا علي السماح بتصدير المكون الامريكى في صاروخ السكالب في التوقيت ده ممكن يبقي معناه تراجع مصر عن صفقة السوخوى ٣٥ إرضاءً لامريكا.
  4. من وجهة نظرى تحرك منطفي جداااا واختيار موفق خصوصا لو AW 149 النسخة بحث وانقاذ, يبقي ناقصنا نتأكد بس ان Ka_52 الكاتران جايه بإذن الله، بالنسبة للرافال والصفقة الاضافية ١٢ طائرة لازم مصر تتأكد ان امريكا مش هترجع تلاعبنا تانى في موضوع السكالب ولازم ناخد تعهد من فرنسا او نشارك حتى في تمويل فرنسا لصناعة الاجزاء الامريكية في صاروخ السكالب نافال
  5. تمام كلام حضرتك ، يمكن قصدت اقول ليه لأ نستغل معرض زى ايديكس ٢٠١٨ اللي كان عندنا وكنا عملنا عرض للقوات الجوية فريق النجوم الفضية المصرى بس يبقي فيه جديد، مش كل مره نعمل نفس الاستعراض بتاع القلب و نفس الاشكال والحركات، مطلوب نظهر ولو جزء بسيط جدااااا من قدراتنا ده برده مفيد كردع للعدو.
  6. تمام يعنى نقدر نقول ان الصفقات الجديدة مستهدف منها شقين. الشق الاول دعم السلاح المماثل الموجود بالخدمة. والشق الثانى تعظيم حجم القوات نظرا لكثرة المهام الفترة الاخيرة ، نقدر نقول جيشنا بيكبر كماً وكيفاً.
  7. تمام كلامك فيما يخص ساعات الطيران لكن ده ملوش علاقه بمدى مهارتك واتقانك للمناورات وقدرتك علي الابداع بالطائرة ، عدد ساعات الطيران الكبير هو ميزة للطيار كخبره بالطائرة وليس كمهارة
  8. لكن اعتقد اعداد الاف ١٦ في الخدمة كبيرة جداااا وكمان عدد ليس بالقليل منها تم استلامه بعد عام ٢٠٠٠ ، يعنى في مقاتلات مش ممكن تخرج من الخدمة قبل ٢٠ سنة من دلوقتى، وبالتالي دخول الطائرات الجديدة هي دعم لقواتنا الجوية وليس استبدال للاف ١٦
  9. ما شاء الله موضوع جميل رجعنا للعصر الذهبي للمنتديات العسكرية والشرح والتحليل، ياريت يتم اثراء الموضوع بالمناقشات، لي سؤال هل دخول SU-35 قواتنا الجوية وبالعدد ده معناه اننا هنعمل شقين في سلاحنا الجوى، يعنى الاف ١٦ كمتعددة مهمام تمثل الكم ورأس الحربة الرافال تمثل الكيف وده يبقي الشق الغربي في قواتنا الجوية، والشق الثانى الشق الشرقى متمثل في الميج ٢٩ كمتعددة مهام ورأس الحربة السوخوى ٣٥، هل ممكن يكون ده تفكير القيادة حتى يزداد الانسجام والتجانس والتكامل بين التكنولوجيا الموجودة في انواع الطائرات لدينا.
  10. طبعا تحليل محترم لقدرات سلاح المقاتلات المصرى، بس لي سؤال. دائما نتحدث عن اهمية العنصر البشرى واننا حسمنا معركتنا الجوية في ٧٣ بكفائة الطيار المصرى رغم الجاب الكبير جدااااا في قدرات المقاتلات بينا وبين الصهاينة، الفترة الاخيره بنشوف قدرات المناورة والمهارة الموجوده لدى طيارين في اسلحة جو مختلفة منها الصهاينة، لكن طيارين قواتنا الجوية دائما في اي مناورة او احتفال او تدريب مش بنشوف اي تطور في الجانب ده مجرد طيران طبيعي خاص بالمهام بدون اى مناورات او مهارات، طبعا انا فاهم ان مش معنى اننا مش بنبين ده يبقي معندناش القدره، اكيد نسور قواتنا الجوية واصلين لمستوى محترم فيما يخص قدراتهم المناوراتيه او الاكروباتيه، لكن مهم برضه يظهر ده ولو بنسبة بسيطة في المناورات..... وجهة نظر
  11. سؤال للاخوة اللي حضروا المعرض، هل فعلا تم منع اي شخص معاه دعوة للحضور طالما غير منتمى للمجال العسكرى
  12. لو سمحتم يا رجالة، انا كنت سجلت في المعرض كزائر وتم الموافقة علي حضورى ولكن.... جالي من يومين ايميل بيقول ان المعرض ليس للعامة ولازم اكون تابع لجهة حكومية او قوات مسلحة؟
  13. مش فاهم، معلش فين الرد علي سؤالي استاذنا لو انا مش واخد بالي
  14. بالنسبة للمشاركة في المعرض، انا اتوافق علي مشاركتى كزائر، هل المطلوب انى اصور الايميل الخاص بالموافقة و اخده معايا بس ولا في اوراق تانية او اجراءات مطلوبة؟
  15. الفكرة كويسة، لكن التصميم اكيد في احسن من كده
  16. لو افترضنا انه دفاع جوى .... طيب ايه المنظومه اللي محتاجين نحميها بدشمه زى دى ، ممكن يكون قاذف اس 300 مثلا وعاملين دشمه للحماية بحيث القاذف يخرج من انفاق تحت الدشمة دى وقت القذف وينزل تانى ، اما الدواير الخرسانية دى لمنظومات دفاع جوى لحماية الموقع.
  17. انا مش بتكلم عن الدفعات السابقة ، انا بسأل علي اخر دفعة استلمناها كانت من امتى ؟
  18. معلش سؤال للاخوة خارج الموضوع ، هى دفعات الرافال كده ماشيه طبيعي ولا في تأخير .... ؟ ، لأن اخر دفعة استلمناها بتهيألي كانت من فترة طويلة ، ولا انا اللي مش متابع ؟
  19. طيب ايه مواصفاته ده يا استاذنا ، وهل هذا التصميم شبحى ؟ ، لانى شايفه من الصورة كده وكأنه تصميم من جيل قديم .
  20. كويس جدااااا للمملكة عدم الاعتماد التام علي الامريكان والانجليز في التسليح ، وكما قلت سابقا ، السياسة العنترية لترامب في التعامل مع الدول ، ستؤدى الي خسارة الامريكان كثير من الدعم والنفوذ بالمنطقة خصوصا ، والعالم عموما .
  21. طيب يعنى احنا كده استلمنا كام طائرة لحد دلوقتى ؟ ، كمان انا مستغرب بصراحة اننا لحد دلوقتى ماشوفناش اي صورة او تصريح رسمى لاستلام الميج وكلها صور متسربة كده ، رغم ان دفعات الرافال بتتصور مع كل تسليم وبيتعملها تقرير مصور وفيديو في التليفزيون رغم انها اقوى من الميج كمان ، فهل الميج تستحق هذا التعتيم !!!!!
×